III Slalom Vila de Meira

Logo do rali de Cabanas (no mesmo fin de semana, de feito) tocaba para nós outra proba das favoritas no noso calendario particular,o III Slalom Vila de Meira.

E o noso slalom preferido, e case se pode dicir tamén que ó o "da casa", así que fixemos un pequeno vídeo que a ver se vos gusta, xa que intentamos grabar máis "tipo slalom" e non tanto "tipo rallye",non sei se me entenderedes... pero bueno aí queda o vídeo...
Agardamos que sobre todo aos afeccionados a este tipo de probas vos guste, e agardamos os vosos comentarios e opinións coma sempre.

Graciñas e saúdos.

Rali de Cabanas 2009

Logo do sabor agridoce que nos deixou o pasado rali San Froilan a seguinte cita no noso calendario era o rali de Cabanas, puntuable para o campionato nacional de terra, así que alí estivemos o sabado con moita chuvia e barro,moito barro!
Non somos obxetivos coa terra, pero encantounos o rali e os pilotos, que ademais nas entrevistas na radio nos pareceron todos moi simpáticos e educados.

No deportivo destacar sobre todo aos seguintes pilotos, aínda que todos merecen a noraboa:
Yeray Lemes, que a parte de ser super espectacular parece que crece como piloto, sendo cada vez máis rapido e con máis cabeza.
Tamén Xevi Pons(a min pareceme un pilotazo,unha magoa o percance que sufriu e lle impediu pelexar a victoria), Amador Vidal(tenos gañados totalmente,por agresivo e súper simpático,unha pena que non siga o campionato)...
Gustounos moito tamén Antxustegui co "pequeno" Golf Mk 2; Ricardo Vidal, que debutaba cun 106 que retumbaba en kilometros a redonda,e tamén nos gustou o piloto do Ibiza de apelido Vallejo, que aínda que sufriu algúns percances, deuno todo por sacar adiante o rali.
E só me queda por destacar a Blázquez (espectacular tamén) e, como non! a Nani Roma, que prá algúns de nós é un auténtico ídolo.

Aínda que tamén (e como sempre) nos gustaron moito os "pequeniños" en xeral: os Golf,os Ka,e o 205 rallye azul. Era incrible como saian dos barrizais!

E bueno, dito todo isto,aí abaixo vai o vídeo, a ver se vos gusta. Non terá a mellor calidade de imaxen pero desborda ilusión. Agardamos tamén as vosas opinións, coma sempre.
E acabo cunha frase que nos encanta:
A TERRA E A TERRA.
Ten algo moi moi especial.
Saudos e graciñas.

Rali San Froilán 2009

Por fin o rallye da casa!!!
(antes de nada pedir perdon por actualizar tan tarde).
O certo e que iamos con moitas expectativas pois ata o de agora pasaramolo moi ben no Sanfro,pero tivemos moitas dificultades.Dar as grazas á xente que coñecemos e á xente que nos axudou co coche, e dar tamen as "grazas" a "familia Trapisonda" que no tramo de Queizán non nos deixou ver nada nin a nós nin á xente que chegara antes ca eles,pois puxéronse diante de todo arriscando a sua vida, demostrando non saber nin o que e un rallye nin o que e ter educación. En fin...

Polo deportivo encantounos o Nupel Team coma sempre jeje: tremendo "Chapas",moi ben Xevi,os Vallejos,Adrián e Guarc.
Dar tamén a noraboa a Pedro polo campionato,xa que inda que non somos os seus fans número 1 precisamente, no deportivo hai que recoñecer que sabe conducir,je.
Mención especial prá algúns pilotos que nos gustan especialmente á parte dos xa mencionados: Moito animo prá Alberto Meira (ese campión do grupo N!!),Lisi,Tuercas(como andan estes dous),Alberto Otero,Edgar e Fátima,Piugos,Goñi,Arturo,Lorenzo e un longo etc...
(a ver se imos poñendo algo deles co tempo xa que falar de cada un só por separado pareceria isto unha Biblia).

E bueno, aquí vos deixamos o video deste rali, a ver se vos gusta porque as pasamos canutas pa grabar,je.

Saudos,grazas pola visita e ata a próxima.

Rali de Narón 2009

Por aquí andamos de novo... Esta vez ca quinta proba do campionato galego de ralis de asfalto, o rali de Narón. Un rali que se saldou con numerosos accidentes, averías e sustos, o que provoucou bastantes abandonos, moitos entre pilotos da cabeza, coma o caso de Blach, que estrenaba o seu Skoda. Primeiramente pensou que romperan o embrague (porque quedou "a medias", pisado), cando logo se decatou de que non foi así, xa que chamou a un técnico de Skoda que lle fai o mantenemento do coche e que non puido estar presente no rali, e éste lle preguntou se tivera o embrague pisado na saída máis de 10 segundos, e así foi. Parece ser que se se ten pisado máis de eses segundos, "bloquéase". Por iso logo saiu de coche "O" nos primeiros treitos da tarde. (A noticia saiu na radio, nun programa de motor da Cadena Ser, se non me engano). En canto ao resultado, gañou outra vez Pedro Burgo, sendo 2º Rey (que correu bastante, incluso casi se "da un baño" nas lagoas en Naraío), e 3º Doce, que tamén ía con "alegría". Foi unha pena non dar visto a pilotos coma Bermúdez ou "Puigos", sempre espectaculares, xa que seica romperon xa no primer tramo, antes de chegar a onde estabamos nós, ou esa é a información que teño, correxídeme se me equivoco...
En fin, coma sempre, moito ánimo aos que abandonaron, tamén aos pilotos máis modestos (e espectaculares), como sempre, felicidades aos gañadores, e un saúdo para Meira, jeje, aínda que non fixera podium.
En fin, que o vídeo fale por nós, jeje.


Saúdos e ata a próxima.

Rali do Albariño 2009

Boas! Aquí de novo vos deixamos un vídeo do campionato galego de ralis de asfalto 2009, en concreto do rali Albariño, disputado por terras pontevedresas. Primeiro destacar a chuvia, que, como non! non ía faltar a este rali. Aínda que é a primeira vez que o RFT nos desprazamos ata alí, xa sabiamos por comentarios da xente que este era un rali pasado por auga que, de feito, condicionou gran parte da proba, pois fixo unha importante "escabechina" na lista de inscritos. Noraboa aos que remataron e moito ánimo aos que non o fixeron, e tamén moito ánimo para os que colleron catarro, coma me parece que me sucedeu a min, máis ou menos, e non me extraña, jeje.

En fin, bromas aparte, a choiva deixounos ver un bó rali, no que gañou Pedro Burgo, quedando 2º Alberto Meira (velo pola auga é épico, pena a diferenza de coche que ten con Burgo) e 3º Vilariño, que pese ao que din os seues detractores, está aí aí, en postos de cabeza, e cun Megane cunha decoración nova preciosa.
Tamén un saúdo, coma sempre, aos pilotos de coches máis modestos, que son coma sempre a alegría dos ralis (viva a "alejría do freno de man" non?je) Tremendo Carracedo tamén, 4º, co GTurbo, sexa ou non sexa legal, non sei, pero é unha bala, mi ma! Derrapa e fai bos tempos o tío ademais! Tamén Lisi, aínda que non o puidemos ver moito, na súa l´ña de loucura, que piloto máis bravo, mi madriña! Vede no vídeo, na zona da ponte, a ver que vos parece...



Por último xa, agradecer á xente que nos axudou neste rali, tanto facéndonos un sitiño á mañán (aínda que a pasada por Moraña finalmente neutralizouse, pena) e aos que nos axudaron co coche nun problemiña que tivemos. Graciñas e vémonos no próximo.

Saúdos.

Rali de Noia 2009

Boas!
Onte estivemos por terras de Noia (a min personalmente encántame a paisaxe, dito sexa de paso, je), nun rali no que ao final non nos tivemos que mollar (iso está ben por unha parte, pero a verdade é que ao final botamos de menos unhas cantas gotiñas máis,je). Neste vídeo, que vos recomendamos que vexades ata o final (que non é todo de fotos, iso é so o principio, catro fotiños) ides ver un par de cruces de San Finx e unha subida alí tamén, e unha curva en Tambre. A clasificación final foi toda unha sorpresa, con Sergio Pérez primeiro, e Amador Vidal 2º (botábase á terra,botábase jeje, nótase que lle gusta), e tamén felicitar a Meira por ese 4º posto,que siga así, je. Sempre é un pracer velo pasar,je. A todos os pilotos que non están en cabeza e que corren por amor a este deporte, unha aperta, seguide así, dando espectáculo e envexa sana aos máis, je.
En canto a Lisi...ai mi ma!!! Que home, volca e tan pancho segue en carreira, si señor, debe ter a cabeza ben dura..Je.

Sobre o tema de sempre do borrachos, millor non comentar nada, é millor obvialos, non teñen nin que ser protagonistas das nosas conversas, non hai millor cousa que a indiferencia (opinión persoal). Iso sí, igual que a organizaión quitou a xente en Tambre da cuneta, tamén debera quitala da saída da curva, porque estaban alí moi mal, metidos na estrada, apartando cada vez que pasaba un coche (e houbo sustos).

En fin, saúdos e vémonos na próxima.

Rali do Cocido 2009

Boas! Onte estivemos por terras lalinenses, e aquí vos deixamos o correspondente vídeo, dos tramos de Monte do Faro e Carmoega, nos que poidemos ver, en xeral, unha boa organización e moito espectáculo, pese a que sufrimos, unha vez máis, os efectos desas xentes que teñen tanto morro e se te poñen diante tras estar ti agardando 1 hora ou máis. Afortunadamente, a cousa foi ben, e puidemos gravar o que ides ver a continuación, je, je. Creo que realmente valeu a pena levantarnos ás 5 e pico da mañán, jeje. Bueno, destacar do rali a victoria de Bamarti e tamén ese merecidísimo teceiro posto de Alberto Meira, para que se desquite da Ulloa. Vaya mágoa de Vilariño, o pobre non dá pé con bola, a ver se se desquita tamén nas próximas probas. Unha pena tamén as neutralizacións, que afectaron a moitísimos pilotos da lista, unha vez máis, aínda que bueno, seguide ca ilusión de correr, que debe de ser moi bonito poder facelo, aínda con todos estos inconvenientes. Tamén destacar o papel de Filloy, ese "scratch" en Carmoega indo como ía sen cuarta... e tras quedarse parado no cruce no que estabamos (ao final do noso vídeo)!

En fin, que felicidades a todos os que remataron e ánimo aos que non, a seguir cas ganas de correr! Nós non entramos en polémicas de pilotos, aínda que podemos ter os nosos favoritos,e disfrutamos moito con todos, grandes e pequenos, así que no vídeo atoparedes, coma sempre, un pouco de todo. Agardamos que vos guste.
Por certo, temos un pouquiño máis de material que non puxemos no vídeo (tampouco moito) así que si vos interesa alguén en especial, preguntade, a ver se hai sorte.

Saúdos e ata a próxima.

Rali da Ulloa 2009

Boas! Facía moito tempo que non actualizabamos isto, e facémolo co vídeo do rali da Ulloa deste pasado fin de semana (20-21-22 febreiro). Tiñamoslle moitas ganas a este rali, xa que entre outras cousas, o ano pasado non puideramos ir. Así que foi o noso primeiro rali da Ulloa, e desexamos que haxa moitos máis, pese a que este ano houbo mala sorte e o rali non saiu todo o ben que organización, pilotos e afeccionados desexariamos, pero iso sí, o que se puido ver, foi moi bó.
Ao final, non temos moito material, porque fumos a primeira pasada de Pambre, a segunda de Olveda (que se neutralizou) e pola tarde xa nos foi imposible grabar nada, tanto polos "domingueiros" que lles chamamos nós (e que todos sabedes quen son) como polas neutralizacións.
Querémoslle mandar un saúdo aos pilotos non tan punteiros, que non puideron correr moito neste rali, unha pena porque ao fin e o cabo son os que dan o verdadeiro espectáculo, tanto cas súas trazadas, moitas veces espectaculares, coma cas súas ganas de correr. Dádesnos envexa sana! Pero a ver se un día nos toca a nós, jeje...

Por último xa, que isto parece un testamento, queremos mandar moitos ánimos a un piloto super espectacular, guerreiro e ídolo que prá nós é Alberto Meira, e ao que desgrazadamente lle fixeron un ....... (non o digo pero imaxinádelo, non?)Non creo que nos leas, Alberto, pero non queremos perder a oportunidade de felicitarte polo rali que estabas facendo ( e canta ilusión nos faría verte no podium),e de comunicarche que estamos desexando verte outra vez polas estradas do país, dando guerra. ÁNIMO CRACK!!!!!!!!!!

AHHHHH, e LUME VALLEJO! (como non,jeje)